toki! Here's the new version :
------------
tenpo la meli lili li lon.
meli lili ni li pona tawa jan ali.
nanpa lawa la meli lili li pona mute tawa mama mama meli ona.
mama mama meli ona li pana e ali tawa ona.
tenpo pini la mama mama meli li pana e len loje tawa meli lili ona.
meli lili li kepeken len ni la meli lili li kama pona lukin.
tenpo ni la meli lili li wile ala e len sin.
meli lili li wile e len loje ni taso.
tenpo kama ali la ona li jo e nimi: “meli lili pi len loje”.
sike suno ante la mama meli pi meli lili li toki e ni:
“jan lili mi o kama! ni li moku.
o pana e moku ni tawa mama mama meli sina.
ona li pilin ike. o pana e moku ni la ona li kama pilin pona.
o tawa!
taso, o tawa wawa ala tan ni: moku li anpa la mama mama meli sina li jo ala e moku.
mi wile e ni: sina tawa kepeken tenpo mute.
insa tomo mama mama sina la o toki e «toki!» tawa ona.”
meli lili li toki: “tenpo kama la mi tawa pona”.
mama mama meli pi meli lili li lon ma pi kasi suli.
meli lili li lon open pi ma kasi ni.
tenpo ni la soweli li kama.
meli lili li sona ala e ni: ona li ike mute.
meli lili li monsuta ala tan ni.
soweli li toki: “meli lili pi len loje o, toki!”
- “soweli o, ni li pona tawa mi”
- “sina li insa ma pi kasi suli tan seme?”
- “mi tawa mama mama meli mi”
- “insa pi len ona li jo seme ?”
- “ijo moku. tenpo suno pini la mi mute li pali e moku suwi.
mi mute li pali e moku tan ni: mama mama meli mi li pilin ike.”
- “mama mama meli sina li lon seme?”
- “mama mama meli mi li lon insa pi ma kasi ni.
tomo ona li lon poka pi kasi kili pimeja.
jan ali li sona e ni.”
soweli ike li pilin e ni:
“meli lili li pona lukin, ona li moku pi pona mute tawa mi.
mama mama meli ona li moku pi pona lili tawa mi.
mi wile e ni: mi moku e meli lili en mama mama meli.”
soweli en meli li tawa. soweli li tawa lon poka meli lili.
soweli li toki:
“o lukin! kasi kule li pona lukin lon ma pi kasi suli ni.
ken la sina li ken lukin.
a! sina o kute e kalama musi waso. kalama ni, li pona mute.
sina li tawa wawa lon nasin ni. ken la sina li ken tawa kepeken tenpo mute.
ken la sina li ken weka tan nasin. o weka lon ma pi kasi suli. o lukin e waso en kasi.
mi pilin e ni: ni li kama pona mute tawa sina.”
meli lili pi len loje li lawa e oko ona.
ona li lukin e suno lon kasi e waso e kule pi ma kasi ni.
ona lili li toki:
“ken la mi ken pana e kasi kule tawa mama mama meli mi.
ken la ona li pilin e ni: «kasi kule li pona tawa mi!»,
mi jo e tenpo mute, mi ken kepeken tenpo mute.”
meli lili pi len loje li weka tan nasin. ona li tawa lon ma pi kasi suli.
tenpo sama la soweli ike li tawa wawa kepeken tenpo lili.
ona li tawa tomo pi mama mama meli.
ona li kalama e supa lupa tomo pi mama mama meli.
mama mama meli li toki: “jan seme li lon?”
soweli li toki: “meli lili pi len loje li lon, mi jo e moku suwi en moku telo! o open e lupa!”
mama mama meli li toki: “a! sina ken open e lupa. mi wawa ala, mi ken ala open e lupa.”
soweli li open e lupa li kama insa. soweli li toki ala li tawa supa lape pi mama mama meli.
ona li moku e ali pi mama mama meli.
tenpo kama la soweli ike li len e sama kepeken len pi mama mama meli li kama insa supa lape.
tenpo sama la meli lili li pilin e ni:
“a ike! mi kepeken tenpo pi mute mute a! tenpo ni la mi jo e tenpo ala!
mi tawa tomo mama mama mi!”
---- (part 2) ----
meli lili li kama lon sinpin pi tomo mama mama meli ona.
tenpo ni la lupa li open. tan ni la oko pi meli lili li open mute.
meli lili li kama insa tomo li pilin nasa li toki:
“tenpo ante la lon poka mama mama mi la mi pilin pona. taso, tenpo ni la mi pilin nasa mute.”
meli lili li toki: “toki!” taso, jan ala li toki tawa ona.
tan ni la meli lili tawa supa lape.
lon ni la mama mama meli pi meli lili li lape. lawa ona li lon anpa len. ona li nasa lukin mute.
meli lili li toki: “a! mama mama o! sina li jo e nena kute pi suli mute!”
ona li toki: “kepeken ni la mi ken kute pona e sina.”
meli lili li toki:“taso, mama mama o! sina li jo e oko pi suli mute!”
ona li toki: “kepeken ni la mi ken lukin pona e sina.”
meli lili li toki:“taso, mama mama o! sina li jo e luka pi suli mute!”
ona li toki: “kepeken ni la mi ken luka e sina”
meli lili li toki:“a! taso, mama mama o! sina li jo e uta pi suli mute!”
ona li toki: “a! kepeken ni la mi ken moku pona e sina!”
soweli li toki e ni la ona li kama wawa tan supa lape. ona li moku e meli lili ali.
tenpo moku pini la ona li kama lon supa lape li lape. soweli li lape la ona li kalama lape mute.
tenpo sama la jan alasa li tawa lon poka tomo.
jan alasa li pilin e ni: “meli pi tomo ni li kalama mute. ken la sina wile ijo”.
jan alasa li kama insa tomo. ona li kama lukin e soweli lape.
jan alasa li toki: “a! soweli ike o! sina li lon ni tan seme a?! tenpo suli la mi wile moli e sina!”
jan alasa li wile kepeken ilo moli tawa soweli. taso, ona li kama pilin e ni: ken la mama mama meli li lon insa soweli. ken la tenpo ni la mama mama li moli ala.
tan ni la ona li kepeken ala ilo moli. ona li kepeken ilo kipisi.
ona li kipisi e sijelo pi soweli lape.
insa pi soweli ike li kama tu la jan alasa li lukin e meli lili pi len loje.
ona li kama tan sijelo pi soweli ike. meli lili li toki: “a! mi monsuta mute! soweli insa li pimeja mute!”
mama mama meli li kama kin.
tenpo kama la meli lili li alasa e kiwen mute mute. ona li pana e kiwen insa soweli ike.
soweli ike li kama lape ala la ona li wile tawa wawa. taso, insa pi soweli ike li jo e kiwen mute.
tan ni la ona li ken ala tawa li kama moli.
soweli li moli la jan tu wan li kama pilin pona.
jan alasa li kipisi li kama jo e selo soweli. jan alasa li tawa tomo ona.
mama mama li moku e moku suwi e telo pi meli lili.
meli lili pi len loje li pilin e ni:
“tenpo kama ali la mi awen lon nasin pi ma kasi ni.
tenpo ali kama la mi weka ala tan nasin.
mama mi li toki e lawa la mi weka ala lon ma pi kasi suli.”
tenpo ante la meli lili li pana kin e moku tawa mama mama sina.
ona li tawa lon nasin sama. soweli ike ante li lon nasin ni kin.
soweli li wile ike. taso, meli lili pi len loje li sona pona.
meli lili li tawa wawa li lukin ala e soweli ike.
lon tomo pi mama mama sina la meli lili li toki e ijo pi soweli ike sin tawa mama mama meli ona.
mama mama meli li toki: “a, o pake e supa lupa pi tomo mi. mi wile ala e ni: soweli ike li kama lon insa.”
tenpo kama la soweli li kalama e supa lupa tomo pi mama mama meli.
soweli ike li toki: “o open! mi meli lili pi len loje! mi pana e moku suwi!
taso meli lili en mama mama meli li toki ala.
tan ni la soweli li sike e tomo li kama lon lawa tomo.
ona li wile awen e tenpo pimeja.
ona li wile e ni: lon tenpo pimeja la meli lili li kama tan tomo la soweli li moku e ona.
taso, mama mama meli li sona e ni.
lon sinpin tomo la lupa kiwen suli li lon.
mama mama meli li toki:
“tenpo suno pini la mi pali e moku kepeken telo seli.
meli lili o pana e telo seli pi moku mi, kepeken poki lili.
o pana e telo seli ni lon insa pi lupa kiwen suli.”
meli lili pi len loje li pana e telo seli tawa lupa kiwen suli.
lupa kiwen suli li kama jo e telo mute.
kon pi telo seli li sama moku pi tenpo suno pini.
soweli ike li pilin e kon.
ona li kama tawa lupa kiwen suli.
soweli ike li lukin e insa pi lupa kiwen suli.
lawa pi soweli ike li tawa anpa. taso, noka ona li ken ala awen lon open pi lupa kiwen suli.
soweli ike li tawa anpa wawa li kama insa telo mute.
soweli ike li moli lon telo.
tan ni la meli lili pi len loje li pilin pona li tawa tomo ona.
tan ni la tenpo ali la ike li kama ala tawa ona.
-----
What do you think?
Once all the errors have been corrected,
I want to create good looking PDFs of
“meli lili pi len loje” in three different versions :
• one standard version (alphabet)
• one sitelen pona version
• and one sitelen sitelen version
(which would make this the first toki pona story to be entirely written in sitelen sitelen)
I'll then post these on the facebook page and reddit.
Worry not, your names will be in the credits (After all, you've helped me so much).
I know it's ambitious, but I think the result will be cool