meli lawa Tamala. ni li toki musi tan jan Lemon.

[soweli Elepanto]

meli lawa Tamala. (ni li toki musi tan jan Lemon).

tenpo pini suli la meli Tamala li lon. meli ni li lawa e ma Katelo. tomo ona li suli li kiwen.
jan Tamala li suwi lukin. taso ona li ike.
ona li jo ala e mije. jan Tamala li wile unpa la ona li kalama musi lon lupa pi tomo ona.
kalama musi ona li pona tawa mije ali.
mije li tawa poka tomo pi jan Tamala la ona li kute e kalama musi ni li kama nasa li wile unpa e meli Tamala.
ona li kama tawa tomo pi jan Tamala.
tenpo pimeja la mije ni en meli Tamala li unpa.
taso tenpo suno kama la jan Tamala li moli e mije li pana e ona tawa telo linja.
meli Tamala li pilin pona. mije mute kin li lon.

[jan-ante]

toki musi sina li jo e sona pi toki musi pi jan Lemonto
taso toki musi sina li jo ala e nasin pi tawa kalama. kalama pi jan Lemonto li tawa sama waso. kalama pi toki musi sina li tawa sama soweli pi noka pakala

[soweli Elepanto]

pona! jan Lemon li sitelen pona e toki musi kepeken toki Losi.
jan pi toki pona mute li sona ala e meli lawa Tamala tan ni: ona li ken ala kepeken e toki Losi.
mi wile e ni: jan ali li sona e jan Tamala. taso mi ken ala pali e toki musi li pali ala e ona.
tenpo ni jan pi toki pona ali li ken kama sona e jan Tamala. ni li pona tawa mi.

[jan-ante]

mi wile e ni: jan ali li sona e jan Tamala.

wile ni li nasa tawa mi. taso jan ale li ken lukin tawa lipu Wikipesija li kama sona e jan Tamala.
toki pi jan Lemonto li toki musi. taso toki sina li toki musi ala. ona li toki sona li ante mute tan toki pi jan Lemonto

[janKipo]

Calypso parody from the 60s: "Lermontov very pretty and his poems sound so sweet" Based entirely on the name (original song was "Lemon tree") and somehow connected with Eugene Onegin. Which Queen Tamara (Tamora, Tamar)?

[soweli Elepanto]

jan ale li ken lukin tawa lipu Wikipesija li kama sona e jan Tamala.

lipu Wikipesija li pona li musi. jan li lukin e lipu ni la ona li pilin e ni: jan Tamala li pona.
taso jan Lemon(to) li sona e ni: jan Tamala li ike!

linja pini li lon. (P.S.)
mi pilin e ni: nimi "jan Lemonto" li pona lili kute. nimi "jan Lemon" li pona mute kute.
sina pilin e seme?

[jan-ante]

tenpo ni la mi kama sona e wile sina. wile sina li pona. taso sina kama open e poka pimeja pi jnT. ona li jo e poka walo kin. ох уж эти робкие грузины..

l.p.
pona kute pi nimi Lemon en nimi Lemonto li sama tawa mi. taso nimi Lemonto li sama mute pi nimi Losi ona

[Mako]

toki ni li pona mute tawa mi.