Cross posted to livejournal.
jan pona mi li lukin pini e lipu mute ni: "jan pi pana sona en jan nasa"
jan sona li jo e nimi jan Muwe (Murray) li pali e lipu mute pi nimi mute pi toki Inli. jan ni li sona mute li sona e ijo mute pi toki Inli e nimi mute.
lawa pi jan sona ni li wile e lipu mute pi nimi ale tawa toki Inli. lawa ni li kulupu sona pi ma Okusi (Oxford). tempo pini ni la jan li jo e lipu mute pi nimi ale. taso lipu ni li ike tawa ni: jan li wile sona e ni: kepeken nimi li tan lipu seme?
jan pali mute li pana e pali li alasa e nimi ale pi toki Inli e tan pi nimi ni.
jan Minowa (Minor) li meji li tan ma Mewika. jan Minowa li sona mute. taso jan Minowa li kama nasa tan lawa insa pakala. jan Minowa li tan ma Mewika tawa ma Inli tawa ni: jan ni li wile kama jan pi lawa insa pona. taso tempo kama pi ma Inli la jan Minowa li moli e jan ante tan nasa pi jan Minowa. jan lawa li lon tomo nasa e jan Minowa. * jan Minowa li weka e ken ale li ken ala tawa. jan Minowa li pilin ike tan ni: jan Minowa li lon tomo nasa li pilin e ike suli tan pakala ona.**
jan sona Muwe li wile e pali pana tan jan mute tawa ni: jan sona li wile pali e lipu mute pi nimi ale pi toki Inli. jan Muwe li weka e lipu pi wile pali tawa ma ale. jan Minowa li kama jo e lipu ni. jan Minowa li toki e ni, "mi ken pana e pali tawa jan ante li kama jan pona." lon lawa insa.*** jan Minowa.
jan Minowa li pali li alasa e kepeken pi nimi Inli lon lipu mute sin ala li kama jo e kulupu nimi mani tawa jan Muwe.
tempo sin la jan Muwe li sona ala e ni: jan Minowa li nasa. taso jan Muwe li kama sona e ni. jan Muwe li pilin ike tawa ni: jan Minowa li nasa. taso pali pi jan Minowa li mani mute li suli tawa jan Muwe.
pali pi lipu ale pi toki Inli li wile e tempo sike pi MMMM (80) nanpa. tempo ante pi pini pi lipu mute la jan Muwe en jan Minowa li moli. taso jan ale li pana e pona suli tawa jan tu ni. jan tu ni li pali suli tawa lipu ni. ma Inli li jo ala e pali pi jan ni la jan ala li ken ala pini e lipu mute pi nimi ale.
* "at'd Mr Minor in an insane asylum. This is toki nasa, imho. But hey, jan ni li nasa kin.
** Right now, I think that ona can really only refer to animates. I don't know why. If it was a rock, I'd just say rock again.
*** More toki nasa. You can't really embed a sentence betwixt an e ni: and a prepositional phrase