ilo pi telo sewi (Rain Memoir v2)

[jan_Pusa]

Here is the second draft of the rain memoir from last year...

ilo pi telo sewi

mi lon tomo tawa suli la mi anpa e monsi mi tawa supa monsi. telo sewi li lon. ilo pi telo sewi pi jan pona mi li lon luka mi. mi lukin e ni la mi pilin e ni: jan pona mi li pana e ilo pi telo sewi tan seme? ona li jo e pilin tawa mi?

mi en ona li tawa lon nasin. ona li jo e len lete. taso, ilo pi telo sewi mi li lon tomo mi! ona li lukin e mi la ona li toki tawa mi.

'sina jo ala jo e ilo pi telo sewi?' jan pona mi li toki.

'ilo pi telo sewi mi li lon tomo mi.' mi toki

ona li kama jo e ilo pi telo sewi ona li pana e ni tawa mi. mi wile ala kama jo e ni. taso tenpo lili la ijo pi tenpo sewi li lon luka mi.

mi en ona li lon esun la mi pana e ilo pi telo sewi tawa ona.

'ona li jo e wile toki’ ona li toki.

tenpo lili la ona li tawa tomo tawa suli. ilo pi telo sewi li lon luka mi. mi ken ala toki e 'pona' tawa ona.

mi lukin e lupa pi tomo tawa suli. awen la telo sewi li lon. ilo pi telo sewi li lon luka mi la mi pilin pona tan ni: ona li pona tawa mi. ona li pona mute tawa mi.