sitelen tawa pi kalama ala

Creativity: Poetry, music, comics, etc.
Kreado: Poezio, muziko, bildrakontoj, ktp.
jan_Anti
Posts: 57
Joined: Sun Mar 31, 2013 7:16 am
Contact:

sitelen tawa pi kalama ala

Post by jan_Anti »

mi pilin e ni: sitelen tawa pi tan tenpo pini lili li sama. mi wile e ante. tan ni la mi open lukin e sitelen tawa pi kalama ala. sitelen pi nimi "Sherlock Jr.", "Metropolis", "Modern Times", "Un Chien Andalou" li pona mute tawa mi. sitelen sin pi nimi "The Artist" kin li pona. tenpo kama lili la mi wile lukin e sitelen pi tan jan Lloyd e sitelen (sin) "Blancanieves".

sina lukin ala lukin e sitelen tawa pi kalama ala? sitelen seme li pona tawa sina?
Kuti
Posts: 358
Joined: Sun Feb 28, 2010 3:48 pm

Re: sitelen tawa pi kalama ala

Post by Kuti »

lukin. sitelen tawa tan jan Méliès li pona li musi mute.
jan_Anti
Posts: 57
Joined: Sun Mar 31, 2013 7:16 am
Contact:

Re: sitelen tawa pi kalama ala

Post by jan_Anti »

pona. mi lukin e sitelen tawa pi tawa mun. ken la mi lukin e sitelen ona ante kin. sitelen li jo e tenpo lili li tan tenpo pi pini mute. ni li pona tan ni: jan li ken lukin e sitelen kepeken ilo Youtube. ike la, sitelen mute pi tan jan Méliès li weka.
janKipo
Posts: 3064
Joined: Fri Oct 09, 2009 2:20 pm

Re: sitelen tawa pi kalama ala

Post by janKipo »

tenpo pini lili la sitelen tawa sin li toki e musi pi jan Melije. mi ken pilin e nimi pi sitelen ni. taso jan pi lawa toki li jan lili lon ilo tenpo suli lon tomo pi nasin pi linja tu. sitelen ni li pona ala pona?
jan_Anti
Posts: 57
Joined: Sun Mar 31, 2013 7:16 am
Contact:

Re: sitelen tawa pi kalama ala

Post by jan_Anti »

sina toki tan sitelen tawa pi nimi "Hugo" anu seme? ona li pona li suwi tawa mi. ona li pana lili e pilin sama sitelen "Nuovo Cinema Paradiso" tawa mi. ona li pona tan ni kin: jan lili li kama sona lili e kama pi sitelen tawa. tenpo esun ni la mi lukin e sitelen "Safety Last" pi tan jan Lowi. jan sama lili mi li kama lon insa pi tomo sitelen li toki e ni: "a! mi lukin e ni lon sitelen "Hugo"!" mi awen sona ala e ni. taso ona li lukin e sitelen lon tenpo mute. musi a.
janSilipu
Posts: 288
Joined: Tue Aug 09, 2011 9:21 am

Re: sitelen tawa pi kalama ala

Post by janSilipu »

Pona tawa nimi "Hugo". mi plin sama sina e ijo pi sitelen ali ni jan Loju li musi. jan Kiton kin li musi. sin lon ala lon ma tomo Nujoku? tenpo esun pini la sitelen "Safety Last" li pana lon ni.
jan_Anti
Posts: 57
Joined: Sun Mar 31, 2013 7:16 am
Contact:

Re: sitelen tawa pi kalama ala

Post by jan_Anti »

janSilipu wrote:sin lon ala lon ma tomo Nujoku? tenpo esun pini la sitelen "Safety Last" li pana lon ni.
lon ala. tenpo suli la mi wile lukin e sitelen tawa pi kalama ala pi poka kalama wawa pi kulupu jan. jan li pana ala pana e sitelen kepeken nasin ni?
janKipo
Posts: 3064
Joined: Fri Oct 09, 2009 2:20 pm

Re: sitelen tawa pi kalama ala

Post by janKipo »

?pi poka kalama wawa pi kulupu jan.? "with the roar of a crowd"? A quiet theater is better, or dvds at home, except that many silents really need a big screen.
jan_Anti
Posts: 57
Joined: Sun Mar 31, 2013 7:16 am
Contact:

Re: sitelen tawa pi kalama ala

Post by jan_Anti »

mi wile toki e nimi Inli "live orchestra". ken la "kalama musi wawa ..." mi wile lukin e sitelen tawa pi kalama ala kepeken nasin pi tenpo ona. The 1920s experience.
janKipo
Posts: 3064
Joined: Fri Oct 09, 2009 2:20 pm

Re: sitelen tawa pi kalama ala

Post by janKipo »

a! sitelen ni li pona poka ilo musi palisa taso. Ol' eighty and eights.
Post Reply