toki musi pi jan lili kon

Creativity: Poetry, music, comics, etc.
Kreado: Poezio, muziko, bildrakontoj, ktp.
Post Reply
janKipo
Posts: 3064
Joined: Fri Oct 09, 2009 2:20 pm

toki musi pi jan lili kon

Post by janKipo »

tenpo la soweli lili tu wan li lon. ona li tawa weka tan tomo ona tan ni: ona li alasa e pona ona.
soweli lili nanpa wan li kama tawa ma pi kasi pi suli lili. mani li moku e kasi ni pi telo ala. soweli lili nanpa wan li kama jo e kasi pi telo ala ni li tomo kepeken ona.
soweli lili nanpa tu li kama tawa ma pi kasi suli. palisa pi kasi ni li lon ma. soweli lili nanpa tu li kama jo e palisa ni li tomo kepeken ona.
soweli lili pi nanpa tu wan li kama tawa ma ante li pali e ko kepeken ma en telo. soweli lili nanpa tu wan li seli e ko ni sama pan li tomo kepeken ona.
soweli monsuta li kama tawa tomo pi soweli lili nanpa wan li toki e nimi "soweli lili o ken ni e mi: mi kama lon insa pi tomo sina." taso soweli lili li toki e nimi "mi ken ala tan ni: sina kama lon insa pi tomo mi la sina moku e mi" soweli monsuta li toki e nimi "tan ni la mi pana e kon wawa li pakala e tomo sina kepeken ona" soweli monsuta li pana e kon wawa. kon wawa li pakala e tomo pi soweli nanpa wan. ona li tawa noka wawa tawa tomo pi soweli lili nanpa tu li toki wawa e nimi "soweli sama o, soweli monsuta li kama li wile moku e mi tu"
soweli monsuta li kama tawa tomo pi soweli lili nanpa tu li toki e nimi sama. soweli lili tu li toki e sama kin. soweli monsuta li toki e sama kin. kon waw pi tan soweli monsuta li pakala e tomo pi soweli lili nanpa tu kin. soweli lili tu li tawa noka wawa tawa tomo pi soweli lili nanpa tu wan.
soweli monsuta li kama tawa tomo pi soweli lili nanpa tu wan. sama li kama. taso kon wawa li pakala ala e tomo ni. tenpo mute la soweli monsuta li pana e kon wawa. taso tomo ni li awen.
soweli monsuta li wile lape. lape pini la ona li sewi tawa selo lawa tomo. ona li anpa lon lupa pi kon seli. taso soweli lili tu wan li lon e poki pi jo telo lon seli pi lon anpa lupa. tan ni la soweli monsuta li kama seli e monsi ona li tawa noka wawa weka li kama sin ala.

tenpo esun kama la jan Linjalo li kama tawa tomo pi soweli monsuta tu wan.
Last edited by janKipo on Wed Mar 21, 2012 1:27 pm, edited 1 time in total.
janSilipu
Posts: 288
Joined: Tue Aug 09, 2011 9:21 am

Re: toki musi pi jan lili kon

Post by janSilipu »

soweli lili ni li tawa esun.
soweli lili ni li awen lon tomo.
soweli lili ni li moku e mani sell.
soweli lili ni li moku e ala.
soweli lili ni li mu lon nasin tomo ali.
janKipo
Posts: 3064
Joined: Fri Oct 09, 2009 2:20 pm

Re: toki musi pi jan lili kon

Post by janKipo »

tenpo la soweli monsuta li lon tomo lili lon ma pi kasi suli. tenpo suno sin wan la soweli suli meli li seli e ko moku pan li lon e ona lon poki tu wan. ni pini la soweli tu wan li tawa noka lon ma pi kasi suli. ona tu wan li weka la jan lili meli Linjalo li kama tawa insa pi ma pi kasi suli. jan li lukin e tomo lili. tan ni la jan li tawa insa ona.
jan li lukin e supa monsi tu wan. jan Linjalo li anpa lon supa suli. taso ona li sewi mute. jan Linjalo li anpa lon supa nanpa tu. taso ona li anpa mute. jan Linjalo li anpa lon supa nanpa tu wan. ona li pona kin. taso anpa pi jan Linjalo li pakala e ona.
jan Linjalo li lukin e poki tu wan. meli li moku e lili tan poki nanpa wan. taso ona li seli mute. jan Linjalo li moku e lili tan poki nanpa tu. taso ona li lete mute. jan lili li moku e lili tan poki napa tu wan. ona li pona kin. tan ni la jan Linjalo li moku e ona ali.
jan Linjalo li lukin e supa lape tu wan. jan Linjalo li anpa lon supa lape nanpa wan. taso ona li kiwen mute. meli lili li anpa lon supa lape nanpa tu. taso ona li kiwen ala mute. jan Linjalo li anpa lon supa lape nanpa tu wan. ona li pona kin. tan ni la jan Linjalo li kama lape lon ona.
soweli tu wan li kama sin tawa tomo sama. soweli ali li toki e nimi "tenpo pini la jan li anpa lon supa monsi mi" kin la soweli lili li toki e nimi "jan li pakala e supo mi ali".
soweli tu wan li lukin e poki moku li toki e nimi "tenpo pini la jan li moku e wan pi moku mi". soweli lili li toki kin e "jan li moku e moku mi ali"
soweli tu wan li lukin e supa lape li toki e nimi "tenpo pini la jan li anpa lon supa lape mi. soweli lili li toki kin e nimi "tenpo ni la jan li lon ona".
soweli li kulupu li sike e supa lape la jan Linjalo li pini lape li sewi wawa li tawa noka wawa weka tan ma pi kasi suli.

tenpo esun li kama suli ala.
janKipo
Posts: 3064
Joined: Fri Oct 09, 2009 2:20 pm

Re: toki musi pi jan lili kon

Post by janKipo »

tenpo la jan Saki en mama meli ona li lon tomo lili pakala. ona tu li jo ala e mani pi kiwen anu lipu. taso ona li jo e mani soweli. mani ni li soweli pi telo walo. mama li toki e tawa jan Saki "o tawa esun li esun e soweli ni tawa mani pi kiwen anu lipu. jan Saki li tawa. taso esun kama la ona li kulupu e jan pi sona ike. jan ni li toki e ni taqa jan Saki "jan pona mi o, mi lukin e ni: sina wile jo e mani pi kiwen anu lipu. tan ni la sina wile esun e soweli ni. tenpo suno ni li pona tawa sina! tenpo suno ni taso la lon ni la mi wile esun e soweli ni tan sina tawa kasi sike lili ni. sike ni li wawa kon. sina anpa e ona lon insa ma la ona li suli mute wawa li pana e pona ali tawa sina." jan Saki li kute e ni li pana e soweli tawa jan ante li kama jo e kasi sike lili wawa li tawa tomo sin
jan Saki li kama sin la mama ona li pilin ike tan ni: ona li kama ala e mani li kama e kasi sike lili pi kepeken ala taso. ona li toki utala tawa jan Saki. taso jan Saki li anpa e sike lon insa ma li kama lape. tenpo suno sin la ona li lukin e ma pi anpa sike. a kasi pi suli pi mute mute lon ni li tawa ma sewi! jan Saki li open sewi e kasi ni. ona li sewi li sewi kin. ona li kama tawa telo kon li awen sewi. pini la ona li kama tawa ma pona. taso ona li lukin e tomo utala monsuta pi lon weka lili. ona li tawa pi wawa ala tomo ni. ona li lukin e ni: lupa pi tomo ni li suli mute. sinpin pi tomo mi kin li suli mute. jan Saki li pilin e ni: jan monsuta suli li lon ni.
tenpo ni la jan monsuta suli li kama tan insa pi tomo ni li toki e nimi "mi pilin nena e jan ma li wile moku e ona." jan Saki li tawa wawa ma selo. jan monsuta suli li lukin ala e ona li tawa insa sin.
pimeja li kama la jan Saki li tawa noka pi kalama ala tawa insa pi tomo utala. jan Saki li lukin e ni: jan monsuta suli li lape. poki mute jo e kiwen jalo. poki mute li jo kiwen walo kin. poki ante mute li jo e kiwen kule suno. ilo pi kalama musi li lon supo pi poka tawa lupa. ona li lukin sama jan meli li tan kiwen jalo. jan Saki li kama jo e poki pi kiwen jalo e poki pi kiwen walo e poki pi kiwen suno. pini la ona li kama jo e ilo pi kalama musi. tempo ni la ona li open tawa noka wawa. taso ilo meli li a e ni "lawa o, jan li wile weka e mi, o selo e mi!" jan monsuta suli li pini lape wawa li kama jo e palisa suli ona li tawa noka wawa tawa jan Saki. jan Saki li kwn ala tawa noka wawa tan ni: ona li jo e oku tu wan e ilo. taso ona li wile ala weka e ijo ni tan ni: ona li kama mani tan ijo ni. ona li kama tawa lawa pi kasi suli, jan monsuta suli li lon monsi ona kin. ona li ken ala anpa lon kasi tan ijo tu tu. tan ni la ona li weka e ijo ni lon kasi. ijo li anpa. tenpo ni la jan Saki li open anpa lon kasi. jan monsuta suli li anpa lon sewi ona kin. taso jan Saki li lili. jan monsuta li suli. tan ni la jan Saki li kama tawa anpa kasi la jan monsuta li sewi mute kin. jan Saki li kama jo e ilo kapisi li kapisi e kasi suli. ona li anpa tawa ma. jan monsuta kin li anpa li kama moli. poki pi kiwen jalo li anpa lon tomo lili pakala li pakala sin e ona. poki pi kiwen walo li anpa lon jan pi sono ike. ona li kama moli li weka e soweli pi telo walo. poki pi kiwen kule li anpa lon poka pi ilo pi kalama musi. ilo li kama jan meli pona. jan Saki li wan e ona. tenpo suli la ona tu li lon pona.
janKipo
Posts: 3064
Joined: Fri Oct 09, 2009 2:20 pm

Re: toki musi pi jan lili kon

Post by janKipo »

tenpo la jan meli lili li lon tomo lili lon poka pi ma pi kasi suli. meli ni li jo e len lawa loje lili. tan ni la jan li nimi 'Lenlaloli' e ona. mama mama meli ona li lon tomo lili lon poka ante pi ma pi kasi suli. tenpo suno sin wan la mama meli pi jan Lenlaloli li toki e nimi "jan Lenlaloli o tawa mama mi li jo e poki moku ni. taso o toki ala e jan lon ma pi kasi suli" jan Lenlaloli li open tawa noka lon nasin pi ma pi kasi suli. meli li lukin e kasi kule li kute e waso li pilin pona. wawa la soweli monsuta li kama. taso meli li lukin e ona sama soweli pona. soweli li toki e nimi "jan Lenlaloli o, tenpo suno sin pona ni la sina seme? sina tawa seme li jo e seme tan poki ni?" "soweli o, mi pona. pona. mi tawa mama mama meli mi lon poka ante pi ma pi kasi suli ni. mi jo e moku lon poki ni" soweli li toki e nimi "sina li jan meli lili pona a! tawa pona!". soweli li tawa weka wawa li tawa noka poka ante pi ma pi kasi suli tawa tomo pi mama mama meli. soweli li moku e ona kepeken jo uta wan taso. soweli li len e sama kepeken len pi mama mama li anpa lon supa lape. jan Lenlaloli li awen taswa pi wawa ala li lukin e lukin mute lon ma pi kasi suli. pini la ona li kama tawa tomo pi mama mama ona li tawa insa. meli li lukin e jan pi lon supa lape sama mama mama ona. taso mama mama ni li ante nasa. jan Lenlaloli li toki e nimi "mama mama o, oko sina li suli mute a!" mama mama ni li toki e nimi "tan ni la mi lukin pi pona mute e sina" meli li tokin e nimi "a! nena kute sina li suli mute kin a!" soweli li toki e nimi "tan ni la mi kute pi pona mute e sina" meli lili li toki kin e nimi "walo uta kin li suli mute a!" soweli li toki e nimi " tan ni la mi moku pi pona mute e sina" li sewi tan supa li moku e jan Lenlaloli kepeken jo uta wan taso. taso jan Lenlaloli li a wawa. jan pali pi anpa pi kasi suli li kute e a ni li kama wawa. ona li kapisi e soweli monsuta kepeken ilo pi anpa pi kasi suli. jan Lenlaloli en mama mama ona li kama tawa insa ala li telo li moli ala kin. jan pali li unpa e jan Lenlaloli li tawa weka wawa. taso ali li awen lon pona.
janKipo
Posts: 3064
Joined: Fri Oct 09, 2009 2:20 pm

Re: toki musi pi jan lili kon

Post by janKipo »

pilin nanpa tu la nimi 'anpa lon' li wile e nimi 'anpa tawa' tan ni: jan anpa li tawa li awen ala.
janKipo
Posts: 3064
Joined: Fri Oct 09, 2009 2:20 pm

Re: toki musi pi jan lili kon

Post by janKipo »

tenpo la jan meli lili Sintelela li lon pona. taso mama meli ona li kama moli. mama mije ona li wan e meli ante. mama sin ni li jo e meli lili tu kin. meli tu ni li pona tawa mama ni. taso meli Sintelela li ike tawa mama sin. tan ni la jan Sintelela li pona e tomo li telo e supa li kulupu e ko jaki seli. kin la meli lili ante tu li anpa lon supa lape li moku e suwi.
tenpo wan la jan lawa ma li wile e ni: kulupu pi tawa musi li kama tan ni: jan lili mije ona li kama jo e meli li wan e ona. jan lawa li pana e toki lipu tawa jan meli lili ali li toki e nimi 'o kama tawa kulupu pi tawa musi mi li kama sona e jan mije lili mi' mama sin pi jan Sintelela li kam jo e toki ni la pana e ona tawa meli lili ona li weka e toki pi tawa jan Sintelela. meli tu en mama ona li kama nasa tan ni: ona li pilin e ni: wan ona li wan e jan lili mije pi jan lawa! jan Sintelela li pali e len suli tawa jan meli tu en mama ona. ona li len e len sin ni li tawa kulupu la jan Sintelela li le e len jaki li awen lon tomo li pini e pali pi tenpo suno ni.
wawa! la meli pi sike suno mute li kama lukin. ona li toki e nimi ' mi mama meli kon sina li kama tan ni: sina tawa kulupu pi tawa musi li kama sona e jan lili pi jan lawa li wan e ona.' meli ni li pana e suno wawa tawa jan Sintelela en soweli pi lon tomo en ijo ante. tan ni la ijo li kama tomo tawa suli. soweli li kama e soweli tawa suli e jan pi pali en selo. len pi jan Sintelela li kama len suli suno pona. jan Sintelela kin li kama pona. tawa kulupu pi tawa musi pi ona ali kama la mama meli kon li toki e nimi 'insa pimeja kama la o kama sin.' jan Sintelela li tawa kulupu pi tawa musi.
lon kulupu pi tawa musi la jan Sintelela li pona lukin mute. meli ante ali li pona lukin lili. tenpo mute la jan mije lili pi jan lawa li tawa musi poka jan Sintelela. taso jan ala li sona e ona. wawa! la insa pimeja li kama. jan Sintelela li tawa noka wawa tan kulupu. taso len ona li kama jaki sin. soweli en ijo ona li kama sama sin. len noka kiwen taso li awen.
tenpo suno pi kulupu pini la jan lili pi jan lawa li open alasa e meli suli suno pona pi sona ala. ona li lon noka pi meli ali e len noka kiwen. ona ken ala. meli tu pi mama sin pi Sintelela li kapisi e noka ona taan ni: ona li wile e ni: ona li ken len e len noka ni. ona li ken ala. tenpo suli pini la mije lili pi jan lawa li kama tawa Sintelela pi len jaki. ona li ken len e len noka kiwen! jan mije lili pi jan lawa li wan e jan Sintelela. ona tu li awen lon pona. taso mama sin en meli lili ona li kama pali lon tomo suli pi jan lawa li pona ee tomo li telo e supa li kulupu e ko jaki seli.
Jan KoAla
Posts: 68
Joined: Mon Jul 11, 2011 9:30 pm

Re: toki musi pi jan lili kon

Post by Jan KoAla »

jan Kipo o toki!

tenpo lili pini la mi pali e ni: mi pana e kule tawa toki musi sina li ante toki e ona tawa toki Epelanto.

sina ken la o lukin e ona lon ni:

http://www.nightlynoise.com/2012/05/aer ... arolo.html

ken la mi pali ike e ijo sina. tan ni la sina ken toki e pakala mi. kama la mi ken pona e ona a!
janKipo
Posts: 3064
Joined: Fri Oct 09, 2009 2:20 pm

Re: toki musi pi jan lili kon

Post by janKipo »

ike la mi toki ala kepeken toki Epelanto. sike suno pini 58 la mi kama sona lili e toki ni. saso, ni pini la mi lepeken ala e ona. mi sona e ni: sina pali e pona.
janKipo
Posts: 3064
Joined: Fri Oct 09, 2009 2:20 pm

toki pi open pi toki pona

Post by janKipo »

tenpo pini suli la jan sona Losi li tawa ma pi anpa suno. ona li tawa sewi nena ma suli mute li tawa anpa ona. pini la jan Losi li kama tawa ma pi pona en selo. jan lili li lon ma ni. jan ni li kulupu ala. kulupu lili mute li lon ni. kulupu ali li alasa e soweli e kala e waso e kili e akesi kin e pipi kin. jan ni ala li jo e soweli tomo li anpa e sike kili tawa ma. jan Losi li awen. ona li soweli tomo e soweli ma li anpa e sike pi kili ma tawa ma. tenpo kama pi lili anu suli la jan pi ma ni la kama pali e sama. taso kili ante li lon kapisi ante ma. soweli ante kin. jan ante li toki kepeken toki ante li ken ala sona e toki sama. jan Losi li open esun e kili pi kapisi ona tawa kili pi jan pi kapisi ante e moku pi soweli ona tawa moku pi soweli pi kapisi ante. tenpo kama pi lili anu suli la jan pi ma ni la kama pali e sama. jan Losi li esun la ona li toki kepeken toki ni: nimi lili pi tan toki ali ma li kama kulupu kepeken lawa pi toki ona. tenpo kama pi lili anu suli la jan pi ma ni la kama pali e sama. tenpo suli la ma ni awen pona e selo. jan ala li lawa e ma ni. taso jan ali li pali e sama pi jan sona pi tenpo pini suli. Ali li pona.
tenpo pini lili la jan Ketija Kiso li kama tawa ma ni ki kama sona e toki ni. ona li kama jan Sonja li pana e sona pi toki pona ni tawa mi mute.
Post Reply