toki. mi jan Niko.

Community: Meet and greet, introductions, networking, gatherings, events, what's new in your life?
Komunumo: Interkoniĝo, sinprezentoj, socia retumado, renkontiĝoj, eventoj, kio novas en via vivo?
Post Reply
jan_Niko
Posts: 8
Joined: Wed Oct 21, 2009 9:40 am
Location: ma Epelanto

toki. mi jan Niko.

Post by jan_Niko »

toki! mi jan Niko. mi lon ma tomo Atensi lon ma lili Sosa lon ma Mewika. mi kama sona e sona toki lon tomo sona Sosa. mi toki e toki Inli e toki Epelanto e toki Kanse. mi kama sona e toki Nijon e toki ante. mi pali e toki.

nasin pi jan pali li pona tawa mi. nasin mani li ike tawa mi. jan li utala li pana e ike tawa ma tan nasin mani. mi wile e ni: jan pali li lawa e ma li utala ala li pana e pona tawa ma.

jan lawa lon tomo sona mi li jo e mani mute. jan pali li jo e mani lili. mi lon kulupu. kulupu ni li toki e ni tawa jan lawa pi tomo sona: "jan lawa o pana e mani pona tawa jan pali. jan pali li wile moku. taso ona li jo ala e mani mute."

tenpo pini la mi en jan pona mi li pali e esun pona. jan li kepeken ala e mani lon esun pona.

mi moku e moku kasi taso. mi moku ala e soweli e waso e akesi e kala e pipi. mi moku ala e telo pi mama soweli e sike pi mama waso e telo suwi pipi. jan ante pi nasin pi moku kasi taso li lon ala lon?
janKipo
Posts: 3064
Joined: Fri Oct 09, 2009 2:20 pm

Re: toki. mi jan Niko.

Post by janKipo »

mi la sina sona ala sona e ni: jan pi moku pi kasi taso li lon kulupu pi toki pona.
mi sona ala. mi jan ni ala.

taso kama pona tawa toki pona.

mi pilin ike tan ni: jan ala li toki e ni tawa sina: kama pona,

mi pilin e ni: esun pona sina li sama lili esun pi nasin pi toki pona.
User avatar
jan Josan
Posts: 326
Joined: Sun Oct 18, 2009 12:41 pm
Location: ma tomo Nujoka
Contact:

Re: toki. mi jan Niko.

Post by jan Josan »

janKipo wrote:mi pilin ike tan ni: jan ala li toki e ni tawa sina: kama pona.
ni li ike kin! tenpo mun wan la jan ala li pana e toki tawa toki sina.
jan_Niko wrote: mi moku e moku kasi taso. mi moku ala e soweli e waso e akesi e kala e pipi. mi moku ala e telo pi mama soweli e sike pi mama waso e telo suwi pipi. jan ante pi nasin pi moku kasi taso li lon ala lon?
tenpo pini la mi moku e kasi taso. tenpo sike tu tu tu la mi moku kepeken nasin ni. tenpo ni la mi moku e moku ante. taso la, mi sona e ni: jan ale li moku e ale la, ma sike pi mi mute li ken ala pana e moku tawa ale.
Post Reply