wile sona wan lili tan jan sin pi toki pona

Language learning: How to speak Toki Pona, translation problems, advice, memory aids, tools and methods to learn Toki Pona and other languages faster
Lingva lernado: Kiel paroli Tokiponon, tradukproblemoj, konsiloj, memoraj helpiloj, iloj kaj metodoj por pli rapide lerni Tokiponon kaj aliajn lingvojn
janKuka
Posts: 16
Joined: Sat May 19, 2018 3:02 pm

wile sona wan lili tan jan sin pi toki pona

Post by janKuka »

jan ali o, toki!

mi jan Kuka. mi open kama sona e toki pona lon tenpo pini lili. tawa tenpo ni la, toki pona li pona mute tawa mi.

mi lukin toki e wile sona mi kepeken toki pona taso. sina ken ala sona e sona pi nimi mute mi la, o toki e ni tawa mi. ni li kama la, mi sitelen sin e wile sona mi kepeken toki Inli.

mi wile sona e ni: jan li wile toki e nimi Inli “Old” kepeken toki pona la, jan li ken ala ken kepeken nimi ‘suli tenpo’? kin la, jan li wile toki e nimi Inli “Young” anu nimi Inli “New” kepeken toki pona la, jan li ken ala ken kepeken nimi ‘lili tenpo’?

wan la, mi pilin e ni: nasin toki tu ni li pona tan ni: nimi pi toki pona ‘suli tenpo’ li sona sama e nimi pi toki Inli “Temporal Largeness” anu “Temporally Large;” nimi pi toki Inli “Temporally Large” li sona sama e nimi pi toki Inli “Old.” sama la, nimi pi toki pona ‘lili tenpo’ li sona sama e nimi pi toki Inli “Temporally Small;” nimi ni pi toki Inli li sona sama e nimi pi toki Inli “Young” anu “New.”

ante la, mi pilin e ni: tawa tenpo ni la, tenpo ala la, mi lukin e nasin toki ni lon sitelen pi toki pona pi jan ante. tan ni la, mi wile sona e ni: pakala pi lon pilin mi li lon ala lon: mi lukin ala e pakala ni?

jan ali o, pona!
User avatar
janTepanNetaPelin
Posts: 224
Joined: Mon Nov 16, 2015 5:14 pm
Location: Berlin

Re: wile sona wan lili tan jan sin pi toki pona

Post by janTepanNetaPelin »

jan Kuka o, toki!

ni li pona tawa mi: sina jan sin pi toki pona, taso toki pona sina li pona a! mi ken kama sona e toki sina.

nimi Inli "old" li nimi "(pi tenpo) suli".
nimi Inli "new" li nimi "(pi tenpo) sin".
nimi Inli "young" li nimi "(pi tenpo) lili".

tawa mi la nimi "suli/lili (pi kon) tenpo" ("big/small in a temporal sense") li ken sama nimi "(pi tenpo) suli/lili". taso tawa mi la nimi "(pi tenpo) suli/lili" li pona mute, nimi "suli/lili (pi kon) tenpo" li pona lili.
https://github.com/stefichjo/toki-pona (mi sitelen e lipu ni pi toki pona)
mi jan Tepan. mi pu. mi weka e jan nasa Kipo e jan nasa Lope.
janKipo
Posts: 3064
Joined: Fri Oct 09, 2009 2:20 pm

Re: wile sona wan lili tan jan sin pi toki pona

Post by janKipo »

lon la nimi ‘suli’ li sona e nimi Inli "mature. sama la nimi ‘lili' li sona e nimi Inli "juvenile, immature”. ante la nimi ‘pi (tenpo) sike mute’ li sona e nimi Inli “old”. nimi ‘pi sike lili’ li sona e nimi Inli “young”. mi mute li jo e nimi mute tawa sona ni.
Last edited by janKipo on Tue May 22, 2018 2:55 pm, edited 1 time in total.
janKuka
Posts: 16
Joined: Sat May 19, 2018 3:02 pm

Re: wile sona wan lili tan jan sin pi toki pona

Post by janKuka »

jan TepanNetaPelin en jan Kipo o, pona!

mi pilin pona tan ni: sina tu li ken kama sona e toki pona mi!

tan tenpo esun pi mute lili pini la, mi lukin e sitelen pi toki pona. taso, tawa tenpo ni la, mi jo ala e ken ni: mi ken sitelen e ijo kepeken toki pona; jan ante li lukin e ijo ni.

mi toki e ‘pona’ tawa sina, tan ni: sina pana e sona ni tawa mi: jan li ken toki e nimi Inli “old” en “young” en “new,” kepeken toki pona, kepeken nasin ante mute ni.

tenpo pini la, mi pilin e ijo ni tan ni: mi wile sona e ni: jan li ken toki e ijo ni kepeken toki pona kepeken nasin seme: “This man is small and old,” “This woman is tall and skinny,” “This person is short and fat,” en ante sama?

tenpo pini la, sina pana e toki pi mute lili tawa mi. toki ni li pana e pona tawa mi.

tenpo sin la, pona!
janKipo
Posts: 3064
Joined: Fri Oct 09, 2009 2:20 pm

Re: wile sona wan lili tan jan sin pi toki pona

Post by janKipo »

mije ni li lili sijelo li sike e suno lon tenpo mute.
meli ni li suli sinpin li lili sijelo.
en nasin ante mute. ni li pona sona mute. (anu ‘pona mute sona’?)
janKipo
Posts: 3064
Joined: Fri Oct 09, 2009 2:20 pm

Re: wile sona wan lili tan jan sin pi toki pona

Post by janKipo »

mije ni li lili sijelo li sike e suno lon tenpo mute.
meli ni li suli sinpin li lili sijelo.
jan ni li lili sinpin li suli sijelo.
en nasin ante mute. ni li pona sona mute. (anu ‘pona mute sona’?)
janKuka
Posts: 16
Joined: Sat May 19, 2018 3:02 pm

Re: wile sona wan lili tan jan sin pi toki pona

Post by janKuka »

jan Kipo o,

sina pana e sona ni tawa mi lon tenpo wan la, ona li pona mute kin sona tawa mi. taso, ni li kama la, ona li pona ala sona tawa mi. ken la, mi jan sona ala… taso, ni li lon la, mi ken pali e seme? :-)

wile sona wan pi ijo ni li awen lon lawa mi. sina pana e sona pi ijo ni tawa mi la, ken mute la, ni kin li pona mute sona! wile sona li ni: jan ken toki e nimi Inli “He is small but fat,” kepeken nasin seme, kepeken toki pona? (ken la: ‘ona li lili sijelo. taso ona li suli sike.’ anu seme?)


(o pilin utala ala tawa mi, jan Kipo o! toki pona li sike e suno lon tenpo lili tawa mi! ;-) )
User avatar
janTepanNetaPelin
Posts: 224
Joined: Mon Nov 16, 2015 5:14 pm
Location: Berlin

Re: wile sona wan lili tan jan sin pi toki pona

Post by janTepanNetaPelin »

janKuka wrote: “This man is small and old,” “This woman is tall and skinny,” “This person is short and fat,” en ante sama?
tenpo pini ala la mi wile toki e mute nimi Inli sina, taso tawa mi la ni li pona:

sijelo pi mije ni li lili li ijo pi tenpo suli.

meli ni li suli li lipu. (lit. "flat"?)

jan ni li lili li sike. (lit. "round"?)
https://github.com/stefichjo/toki-pona (mi sitelen e lipu ni pi toki pona)
mi jan Tepan. mi pu. mi weka e jan nasa Kipo e jan nasa Lope.
janKipo
Posts: 3064
Joined: Fri Oct 09, 2009 2:20 pm

Re: wile sona wan lili tan jan sin pi toki pona

Post by janKipo »

I like the idea of “flat” for “thin” but would assume that was ‘supa’, not ‘lupa’ “hole”. Otherwise these look nice. As I said, we have lots of ways to do these things.
janKuka
Posts: 16
Joined: Sat May 19, 2018 3:02 pm

Re: wile sona wan lili tan jan sin pi toki pona

Post by janKuka »

jan Tepan o, pona! :-)
Post Reply