mije Ilija en meli Malija li jo e jan lili luka wan.
mije Sasa li jan lili pi nanpa tu. mije Lenin li jan lili pi nanpa tu tu.
jan Sasa li pilin e ni:
"jan pali mute li pali mute. taso ona li jo lili e moku e mani. ni li tan seme?
ni li tan jan lawa Losi! jan lawa Losi li ike li lawa ike e jan!"
jan Sasa li wile moli e jan lawa.
taso jan lawa li kama sona e ni.
jan lawa li toki e ni tawa jan utala ona:
"jan Sasa li wile moli e mi! o moli e ona! taso o pali ala e ike tawa kulupu mama ona! ken la jan ante mute pi kulupu mama ona li pona."
ni li lon.
jan utala mute li moli e jan Sasa li tawa weka e lipu toki tawa kulupu mama ona.
jan Malija en jan Lenin li lukin e lipu li lukin e ni:
"jan Malija o! mi mute li moli e mije lili sina tan ni: ona li ike li wile moli e jan lawa."
jan Malija en jan Lenin li pilin ike.
telo oko li lon oko pi jan Malija.
taso telo oko li ala lon oko pi jan Lenin.
jan Lenin li toki e ni:
"jan Sasa li moli. taso mi lon. tenpo kama la mi moli e jan lawa! taso mi kepeken e nasin ante!"
ona li kepeken e nasin ante kin.
