toki pi kalama pona suli

Language learning: How to speak Toki Pona, translation problems, advice, memory aids, tools and methods to learn Toki Pona and other languages faster
Lingva lernado: Kiel paroli Tokiponon, tradukproblemoj, konsiloj, memoraj helpiloj, iloj kaj metodoj por pli rapide lerni Tokiponon kaj aliajn lingvojn
User avatar
jan Josan
Posts: 326
Joined: Sun Oct 18, 2009 12:41 pm
Location: ma tomo Nujoka
Contact:

Re: toki pi kalama pona suli

Post by jan Josan »

aikidave wrote:
jan Josan wrote:Does it also mark English words as incorrect? I have a toki pona dictionary in my MS Word, but since it also clears any English words, it never catches "pine" because of the tree.
No the spell checker still accepts all English words, so it would not catch 'pine'.
I haven't figured out how to get around this. But it's still useful to know how to do it in the browser too -- thanks
User avatar
jan Ote
Posts: 424
Joined: Thu Oct 08, 2009 1:15 am
Location: ma Posuka
Contact:

Re: toki pi kalama pona suli

Post by jan Ote »

aikidave wrote:Right click on each word and select 'Add to Dictionary' from the context menu. This takes about 10 minutes to add all the words.
persdict.dat file holds the personal dictionary entries used by the spell checker that you added manually through web forms' input fields. Find the persdict.dat, located in the profile folder of your Firefox installation. Default location:
For Windows Vista: %AppData%\Mozilla\Firefox\Profiles\xxx.default
For Windows XP: C:\Documents and Settings\<username>\Application Data\Mozilla\Firefox\Profiles\xxx.default
For Linux: ~/.mozilla/firefox/xxx.default
For Mac OS X: ~/Library/Application Support/Firefox/Profiles/xxx.default

where 'xxx' is some obscure alpha-digit string.
If you have never added any word to a build-in dictionary, then persdict.dat doesn't exist, you will have to create it.
Shut down Firefox and open the persdict.dat file using Notepad or any plain-text editor. Paste all toki pona words, each in separate line, save and close the file, and that's all. No need to repeat 123 times "click"-"add to dictionary"-"move to next word".
jan Josan wrote:
aikidave wrote:No the spell checker still accepts all English words, so it would not catch 'pine'.
I haven't figured out how to get around this. But it's still useful to know how to do it in the browser too -- thanks
Pleasy try my toki pona spell checker for Firefox:
viewtopic.php?f=29&t=1417&start=0
Probably you would prefer to clear your persdict.dat file before, to make sure it really works.
User avatar
jan Josan
Posts: 326
Joined: Sun Oct 18, 2009 12:41 pm
Location: ma tomo Nujoka
Contact:

Re: toki pi kalama pona suli (kepeken ala nimi Pine)

Post by jan Josan »

toki pi kalama pona suli
-jan Tomaso Lantopi

suno li kama la mi mute li pini e lape. mi mute li tawa sewi tan supa. mi mute li pilin musi tan sona tu ni: mi moli ala; ijo ale pi tenpo suno ni li sama ijo pi tenpo suno pini. tenpo suno wan la mi lukin e ma kepeken nasin pi lupa tomo li pilin sama ni. jan pona mi J li kama tawa tomo mi, li pana e kalama luka wawa lon selo pi lupa tomo.

ona li jan pi toki lili. tenpo mute la ona li pali e sitelen li lon poka jan ante ala. ni li musi tawa mi: ona li pilin wawa. mi len. mi tu li toki e ijo lili. ni li nasa tawa mi: pilin ona li ante tan ike pakala tawa pona sewi. mi ken sona pona e ni: ijo nasa anu ijo ike li kama tawa ona. tenpo lili li tawa. mi kute e ona. ona li toki e ni: ona li jo e toki nasa. ona li wile toki e toki ni tawa mi. ona li ken toki e ni kepeken nimi lili. taso ona li toki e nimi ni: “toki mi li lukin nasa tawa sina la, o pini ala e mi!”

mi wile sona e ni: seme li lon? mi toki tawa ona: “o toki.”

ona li open e toki kepeken nimi ni: “tenpo suli pini la mi pali mute e musi sewi. mi lukin e ijo lili ale, lon insa sitelen. mi kepeken e nasin ni la, mi kama sona e ni taso: mama sitelen li jo e ilo pali ale pi musi sewi la, ona li pali ike. jan li sona pona e toki la, ona li pali ike, kepeken toki ni. jan li sona lili e toki ante la, ona li ken pali e musi pona en suli, kepeken toki ante ni. o wile ala toki e ni: mi kama sona e sona ni kepeken nasin ike seme? taso, sona mi li pona. ni li lon: jan li sona ala e nimi ale la, jan li kepeken e nasin toki sin, e sitelen ante. sina ken pilin e ni: musi kama li pona mute. mama musi li ken weka e toki moli kepeken nasin ni: ona li weka e nimi ike li weka e toki sama toki pi tenpo pini. tenpo ni la, musi sewi li ken kama lon.”

jan J li pilin pona. ona li pilin e ni: sona ona li pona. ona li pini e toki li pini lili e oko ona. ona li weka e pilin ike ona. taso ona li lukin e ni: mi sona ala e toki ona. ona li pana e a, li toki wawa e nimi ni:

“tenpo pini ni la, mi kama sona e jan sin. ona li, a…, li jan akesi jaki! mi ken ala kin nimi e ona kepeken nimi ante. tenpo kama la, sina kama sona e tan. ona li jan akesi jaki li lawa Inli pi tomo tawa telo. a! jan sewi o, sina li weka ala e ike ni tan mi. tan ni li seme? tenpo ala la mi ken pilin pona!
jan akesi ni en mi li moku lon tomo moku sama. ona li toki e pali ona kepeken kalama suli. tenpo ale la jan mute li sike e ona li kute. tenpo mute la ona li lon ma Asija li kama sona e toki ante mute tan ma ni. ona li sona e toki Pasi pi ma Ilan kin. sona ni li suli mute tawa ona. tenpo mute la ona li toki e kalama nasa wan anu tu tawa jan pali pi tomo moku. jan pali li open en pini wawa e oko ona, li sona ala e toki pi jan lawa Inli. jan lawa li lukin musi li toke e nimi ni: ‘a! mi wile e telo nasa!’ anu ‘a! mi wile moku e wan soweli seli.’ sina o sona e ni: mi pilin ike mute tawa jan ni. taso tenpo suno wan ike la mi en ona li toki. ona li toki e ni: ‘mi ken pana e sona pi toki Pasi tawa sina.’ ni li ken kama lon: mi sona lili e toki Pasi la mi ken pali e musi suli kepeken toki ni. tan ni la mi wile kama jo e sona pi toki Pasi. tenpo ni la sina sona e wile mi: mi wile e sona pi toki Pasi. taso mi wile ala e sona ale pi toki Pasi.
tan tenpo ni la jan Inli li pana e sona pi toki Pasi tawa mi. ona li pilin e ni: jan li wile kama sona e toki sin la, nasin pona nanpa wan li ni: jan li toki mute taso. tan ni la mi jo ala e toki awen pi toki Pasi. mi tu li tawa lon nasin li toki kepeken toki Pasi taso. mi anu ona li pilin wawa ala la mi tu li tawa tomo moku. ona li sitelen mute e linja sike lili pi toki Pasi. tenpo pi sike suno wan la, mi pali lon nasin ni. tenpo mute la jan lawa Inli li toki e ni: ona li pana e sona mute tawa mi. sona mi li pona li suli. tenpo pi sike suno li pini la, ona li toki e ni: “mi weka”. ken la ona li tawa ma Sukosi. ona li lon ma seme? Mi sona ala. taso mi wile e ni: ona li kama lon ike.”

jan pona mi li pini. ona li wile lawa e pilin ona. oko en uta ona li jo e lukin pi pilin pakala. ona li lawa e pilin ona kepeken pali mute li kama pona li toki:

“jan akesi li weka. taso tenpo pini ni la mi ken toki lili kepeken toki Pasi li ken pali e sitelen kepeken toki Pasi. mi pali mute. mi kama jo e nasin ni: ‘o sitelen kepeken toki Pasi taso. o sitelen taso e musi sewi, tan pilin insa mi.’ mi mama e toki pi kalama pona a! tenpo suli la, mi sitelen, kepeken toki Pasi. ni taso li pona: mi sitelen lili, kepeken tenpo suli. mi pali e toki musi tu wan taso. tenpo kama la sina ken lukin e ona. sina ken lukin e sitelen Pasi mi.”

ona li pali kepeken toki Pasi. sona pi pali ni li ike tawa ona. taso mi ken ala sona e ni: tan li seme?

“sitelen Pasi mi.” tenpo sin la, ona li toki e toki ni. “taso tenpo ni la, sina ken sona e ni: toki Pasi pi jan akesi li toki ike kin! tenpo mun pini la mi wile lukin e pali pi jan pi toki musi Pasi. mi lukin e sitelen ale mi pi kama sona pi toki Pasi. mi pilin e ni: mi ken kin sona e toki musi Pasi. mi kama jo e toki awen pi jan Pasi wan kepeken pali mute. toki awen li kama, lon poki pona. mi pilin wawa. mi tawa wawa tomo mi. mi suno e ilo suno. mi anpa e mi tawa supa, li seli e kasi kon. mi kama jo e toki awen tan poki. mi open e toki awen.

nanpa wan la, mi pilin e ni: mi kama jo e toki awen ike. sitelen ni li lukin sama ala sitelen pi jan Inli. taso tenpo ni la mi sona e ni: toki awen ni li toki awen Pasi kin. nanpa tu la, mi pilin e ni: ken la, mi kama sona e toki Pasi. taso jan akesi li kepeken e sitelen ante. mi kepeken e ijo ante mute: mi lukin tawa lipu Pasi mute, tawa toki awen mute pi jan pi sona toki Pasi. taso, nanpa pini… nanpa pini…” tenpo ni la jan J li pana e telo oko, “mi kama sona e pakala ni: jan akesi li pana ala e sona pi toki Pasi tawa mi! ken la mi kama sona e toki ante: toki Jakuto anu toki Awinu anu toki Kojekoje. mi toki tawa jan lawa pi sona toki. ala. ala. toki ni li lon ala! tenpo ale la toki ni li lon ala! pini la, mi pana e sitelen toki, tawa jan lawa Inli pi tomo tawa telo. tenpo pimeja pini la mi kama jo e sitelen ona.”

jan J li pana e lipu tawa mi li anpa e lawa ona. mi lukin e sitelen ni:

“jan suli o,
mi kama jo e sitelen sina. nanpa wan la, sina pana e wan toki kepeken toki nasa musi. mi sona e toki pi ma mute. taso tenpo ala la mi lukin e toki sama toki sina. mi pilin e ni: toki ni li tan wawa nasa pi lawa sina. sitelen nasa ni li lukin sama lili toki Alapi anu toki Po. taso ona li sitelen ni ala.
nanpa tu la, sina toki e ni: mi pana e sona pi toki Pasi tawa sina. tenpo pini suli la mi kama sona e toki Pasi. ken la ike lili wan anu tu li kama lon sona mi pi toki Pasi. taso o pilin ike ala tan ni. sina ken pona e ike ni kepeken pali lili.
tenpo kama la mi wile lukin e sitelen sina sin. mi wile e ni: pona li kama tawa sina…”

“tenpo ni la mi ken sona e ale,” jan J li lawa e pilin ona. “mi ken ala pilin e ni: jan lawa Inli li wile e musi ike. mi pilin e ni: ona li pana e sona kepeken toki Pasi, tawa mi. taso toki ni li toki Pasi ona, li toki Pasi pi ona taso. toki ni li sama ala toki Pasi. ale li ante. mi pilin e ni: sona pi jan lawa akesi li ante, sama kon tawa. tenpo pini suli la, ona li kute e toki Pasi, li lukin e sitelen Pasi. ona li pana e kalama sama, li sitelen e linja sama. taso ona li kepeken ala e toki Pasi. tenpo li tawa la, sona ona li kama ante. ona li lukin e sitelen mi la ona li lukin e toki ona pi tenpo pini li ken sona ala e toki ni. toki ni li toki sin tawa ona.”

kalama toki pi jan J li kama anpa. taso pilin ona li ante. ona li toki utala “jan akesi li weka e sona ale pi toki ni! sina wile sona e ni: seme li lon? tenpo ni la o sona!” jan J li pini, li lawa e kon ona. “taso ike suli li ni: toki ni, toki pi nimi ala, li pona kin. mi olin suli e toki ni.”

tenpo ni la, jan J li pini kin. ona li lawa e pilin ona la, mi open e toki mi. “ijo ni li ike. sina pali mute li kama jo e ala. taso ken la ike ni li suli ala.” taso jan J li pilin sama ala. “sina ken sona ala sona e ike ni? sina ken pilin seme tan musi suli mi? mi pali e musi suli tu wan. mi pana e pilin pona ale mi, tawa toki musi ni. musi suli ni li seme? musi ni li kepeken e toki pi lon ala. ni li sama ni: musi suli li kepeken e toki ala.” mi kama sona e pilin ona. mi toki e ni: “a. ni li ijo pi lukin ike.” ona li kalama: “sina toki ala toki e ni: ijo pi lukin ike?...taso…”
tenpo suno ni li lon tenpo pini pona. tenpo pimeja mute la, mi tu li lon esun moku. mi tu li lukin e sitelen suli e musi suli. mi toki pi ijo suli li jo ala e mani tawa moku pini mi.
jan-ante
Posts: 541
Joined: Fri Oct 02, 2009 4:05 pm

Re: toki pi kalama pona suli

Post by jan-ante »

pona mute
jan tu o kama tawa jan sona pi musi sewi
Post Reply