Page 2 of 2

C’est la version finale, groupons nous et demain...

Posted: Fri Nov 13, 2009 3:53 pm
by jan-ante
o kama! jan pali o kama!
o kama tawa utala!
mi pilin sama nena seli
tan ni: jan mani li lon ma.
mi o utala e nasin mani,
o sin e jan, o sin e ma.
jan pali kin li kama suli.
ona li jo e pan e ma.

ni li utala pini.
tan ni la li lon
ma Intenasijonale.
jan pona sin li lon.

o awen ala pona sewi.
o awen ala pona jan.
o kepeken e wawa sona
e sona pi kulupu jan.
mi o pakala e lawa ike.
o kama jo e ijo mi.
mi kepeken e wawa seli
tawa jan lawa ike kin.

ni li utala pini.
tan ni la li lon
ma Intenasijonale.
jan pona sin li lon.

jan pali taso li ken pana
e ijo pona tawa ma.
jan mani li ken moku taso
e ijo pona pi jan ma.
tenpo suno wan la nasin mani
li pini pakala e ma.
tan ni la suno li ken pana
e seli pona tawa jan.

ni li utala pini.
tan ni la li lon
ma Intenasijonale.
jan pona sin li lon.

Image

Re: C’est la version finale, groupons nous et demain...

Posted: Sat Nov 14, 2009 5:58 pm
by jan Ote

Re: C’est la version finale, groupons nous et demain...

Posted: Mon Nov 16, 2009 5:46 pm
by jan-ante
Tekst najbardziej znanej pieśni socjalistycznej
not only. jan Eugène Pottier was an anarchist, the song was also widely used as a communist anthem

Re: C’est la version finale, groupons nous et demain...

Posted: Tue Nov 17, 2009 7:26 am
by jan Ote
True. What description do you suggest?

Re: C’est la version finale, groupons nous et demain...

Posted: Wed Nov 18, 2009 5:32 pm
by jan Josan
jan-ante wrote: ni li utala pini.
tan ni la li lon
ma Intenasijonale.
jan pona sin li lon.
pali pona! taso mi pilin e ni: ilo sona sina li weka e nimi 'jan' tan toki sina.

Re: C’est la version finale, groupons nous et demain...

Posted: Thu Nov 19, 2009 8:49 am
by jan-ante
josankapo wrote: pali pona! taso mi pilin e ni: ilo sona sina li weka e nimi 'jan' tan toki sina.
pakala. mi pali e ijo nasa. jan pona mi o, sina pana e pona tawa toki suli ni

Re: C’est la version finale, groupons nous et demain...

Posted: Thu Nov 19, 2009 8:50 am
by jan-ante
jan Ote wrote:True. What description do you suggest?
i suggest an alphabetical order: anarchist, communist, socialist

corrected version

Posted: Mon Nov 07, 2011 12:25 pm
by jan-ante
o kama! jan pali o kama!
o utala lon nasin sin!
mi pilin sama nena seli
tan ni: jan mani li lon kin.
mi o utala e nasin mani,
o sin e jan, o sin e ma.
jan pali kin li kama suli.
ona li jo e pan e ma.

ni li utala pini.
tan ni la jan li lon
ma Intenasijonale.
jan pona sin li lon.

o awen ala tawa pona,
tan sewi anu lawa jan.

o kepeken e wawa sona
e sona pi kulupu jan.
mi o pakala e lawa ike.
o kama jo e ijo mi.
mi kepeken e wawa seli
tawa jan lawa ike kin.

ni li utala pini.
tan ni la jan li lon
ma Intenasijonale.
jan pona sin li lon.

jan pali taso li ken pana
e ijo pona tawa ma.
jan mani li ken moku taso
e ijo pona pi jan ma.
tenpo suno wan la nasin mani
li pini pakala e ma.
tan ni la suno li ken pana
e seli pona tawa jan.

ni li utala pini.
tan ni la jan li lon
ma Intenasijonale.
jan pona sin li lon.