[phpBB Debug] PHP Warning: in file [ROOT]/phpbb/session.php on line 590: sizeof(): Parameter must be an array or an object that implements Countable
[phpBB Debug] PHP Warning: in file [ROOT]/phpbb/session.php on line 646: sizeof(): Parameter must be an array or an object that implements Countable
[phpBB Debug] PHP Warning: in file [ROOT]/phpbb/session.php on line 1068: Cannot modify header information - headers already sent by (output started at [ROOT]/includes/functions.php:3839)
[phpBB Debug] PHP Warning: in file [ROOT]/phpbb/session.php on line 1068: Cannot modify header information - headers already sent by (output started at [ROOT]/includes/functions.php:3839)
[phpBB Debug] PHP Warning: in file [ROOT]/phpbb/session.php on line 1068: Cannot modify header information - headers already sent by (output started at [ROOT]/includes/functions.php:3839)
[phpBB Debug] PHP Warning: in file [ROOT]/includes/functions.php on line 5129: Cannot modify header information - headers already sent by (output started at [ROOT]/includes/functions.php:3839)
[phpBB Debug] PHP Warning: in file [ROOT]/includes/functions.php on line 5129: Cannot modify header information - headers already sent by (output started at [ROOT]/includes/functions.php:3839)
[phpBB Debug] PHP Warning: in file [ROOT]/includes/functions.php on line 5129: Cannot modify header information - headers already sent by (output started at [ROOT]/includes/functions.php:3839)
a familiar story - Toki Pona Forums

a familiar story

Archives from the old Yahoo! group
Arĥivoj de la malnova Yahoo!-grupo
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1107: count(): Parameter must be an array or an object that implements Countable
MorphemeAddict@wmconnect.com
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1107: count(): Parameter must be an array or an object that implements Countable

a familiar story

Postby MorphemeAddict@wmconnect.com » Sun Dec 03, 2006 2:09 pm

Winipu



wan pi nanpa wan pi toki musi



open la mi kama sona e soweli Winipu e pipi suwi.  toki musi li open.



ni li ijo musi soweli Ewa li kama anpa.  mi kute e ni tan lawa monsi ona: Pawi Pawi Pawi.  ona li kama monsi jan Kitopelopin.  ona li sona ni taso: jan li kama anpa kepeken nasin wan taso.  taso tenpo la ona li pilin e ni:  ken la nasin ante li lon kin.  ona li kama pilin e ona la nasin ante li kama lon.  tenpo la ona li pilin ala e ni.  ona li lon anpa li awen.  nimi ona li Winipu.

tenpo pi nanpa wan la mi kute e nimi ona la mi toki e ijo.  sina kin toki e sama.  mi toki e ni: taso mi pilin e ni: ona li jan kin.

jan Kitopelopin li toki e ni: mi kin pilin e sama.

jan kute li toki e ni: tan ni sina ken ala ken kepeken nimi Wini sama nimi ona?

jan toki li toki e ni: mi pali ala e ni.

jan kute li toki e ni: taso sina toki e.

jan toki li toki e ni: nimi ona li Winipu.  sina sona ala sona e ni:  nimi Ni li seme?

mi toki e ni kepeken tenpo lili: a.  tenpo ni la mi sona.  mi wile e ni: sina kin li sona.  mi wile e ona tan ni: sina kama ala jo e tan ante.  

tenpo la soweli Winipu li kama anpa li wile musi e musi.  tenpo la ona li wile lon sinpin seli li pali e ala li toki e ala li kute e toki musi.  tenpo suno la.

jan Kitopelopin li toki e ni: sina toki ala toki e toki musi?

jan toki li toki e ni: e toki musi seme?

jan Kitopelopin li toki e ni: sina wile ala wile toki suwi mute e toki musi tawa soweli Winipu?

jan toki li toki e ni: ken la mi wile.  ona li wile kute e toki musi seme?

jan Kitopelopin li toki e ni: e toki musi ona.  tan la ona li soweli sama ni.

jan toki li toki e ni: a.  mi sona.

jan Kitopelopin li toki e ni: sina wile ala wile toki?

jan toki li toki e ni: mi toki.  ken la mi toki pona.

mi toki.  ken la mi toki pona.



tenpo wan la tenpo pini mute mute la tenpo sike pini tu la soweli Winipu li lon tomo pi kulupu pi kasi suli.  ona li lon wan.  ona li lon anpa nimi Sante.

(jan Kitopelopin li toki e ni: nimi pi "anpa nimi Sante" li wile toki e seme?

jan toki li toki e ni: ona li wile toki e ni: ona li nimi ni pi sitelen jelo suno sewi lupa ona li lon anpa ona.  

jan Kitopelopin li toki e ni: soweli Winipu li sona pona ala.

mi kute e ni tan kalama soweli: tenpo ni la mi sona pona.

jan toki li toki e ni: mi toki sin.)



tenpo suno wan la soweli Winipu li tawa li kama tawa wan open pi kulupu pi kasi suli.  kasi suli pi kili pona lili li lon.  tan sewi pi kasi ni la mi kute e kalama suli pi pipi suwi mute.  

soweli Winipu li kama awen lon anpa kasi li tawa lawa ona tawa luka ona li kama pilin.

wan la ona li toki e ni tawa ona: tan kalama ni pi pipi suwi la mi kama sona e ijo.  sina kute e kalama pi pipi suwi sama ni la tenpo ali la jan li kama sona e ijo.  kalama pi pipi suwi li lon la ijo pali e kalama pi pipi suwi.  mi sona e tan wan taso tawa kalama ni pi pipi suwi.  tan ni li ni: sina pipi suwi!

tenpo suli ante la ona li pilin li toki e ni: tan wan taso la sina pipi suwi.  tan ni li ni: sina pali e ko suwi.

ona li kama sewi li toki e ni: tan wan taso la sina pali e ko suwi.  tan ni li ni:  mi moku e ko suwi ni.  ona li kama tawa sewi kasi suli.

ona li tawa sewi li tawa sewi li tawa sewi.  ona li tawa sewi la ona li kalama musi tawa ona.  kalama musi li sama ni:


ni li musi ala musi?

soweli li wile e ko suwi.

pipi suwi li kalama li kalama!

tan seme la ona li wile e ko?



ona li tawa sewi sin li tawa sewi sin li tawa sewi sin lili.  ona li pali e kalama musi sin.  



pilin ni li musi mute.

soweli li pipi suwi la ona li pali e tomo ona lon anpa kasi.

ni li lon la pipi suwi li soweli la
mi wile ala tawa sewi sama ni.



ona li kama lili pi wile lape.  tan ni la ona li kalama musi sama ni.  ona li weka ala mute.  ona li lon palisa kasi ni la ...

pakala!  

ona li toki e ni: a! o kama! o pali e ijo tawa mi! ona li tawa anpa kon pi palisa sin.

ona li toki e ni: mi pali ala la ...  ona li tawa kon anpa sin lon palisa sin.

ona li tawa sama nasin ni: lawa li lon noka.  noka li lon lawa la ona tawa pakala anpa lon palisa sin la ona li toki e ni: mi wile lon kin pali e...

ona li tawa anpa sin lon palisa mute sin.

ona li toki e ni tawa palisa pini: tawa pona.  ona li tawa kon suwi pi kasi lili pi kili lili.  tan ni la ko suwi li pona mute tawa mi.  o kama! o pali e ijo tawa mi!

ona li tawa tan kasi ni lon luka en noka li tawa e pini palisa tan nena kon ona li kama pilin sin.

ona li pilin pi jan Kitopelopin.

(jan Kitopelopin li ken ala pilin e ni: ni li lon.  ona li toki e ni: ni li mi ala mi?

jan toki li toki e ni: ni li sina.

jan Kitopelopin li toki e ala taso oko ona li kama suli li kama suli.  sinpin lawa ona li kama loje li kama loje.)

soweli Winipu li tawa jan pona Kitopelopin.  ona li lon monsi lupa laso jelo pi wan ante pi insa pi kulupu pi kasi suli.  

soweli li toki e ni tawa jan Kitopelopin: jan Kitopelopin o! toki!

sina toki e ni tawa ona: soweli Winipu o! toki!

soweli li toki e ni: mi wile sona e ni: sina jo ala jo e sike kon?

jan li toki e ni: sike kon?

mi kama tawa ni la mi toki e ni tawa mi: jan Kitopelopin li jo ala jo e ijo sama sike kon lon ona? mi pilin sike kon li wile sona li toki tawa mi.

sina toki e ni: sina wile e sike kon tan seme?

soweli li lukin sama nasin ali tan ni: jan sin li lon ala.  ona li tawa e luka ona tawa uta ona li toki kalama ala e ni: ko suwi!

jan li toki e ni: taso sina kama ala jo e ko suwi kepeken sike kon!

soweli li toki e ni: mi kin.

ni li kama taso: tenpo suno pini la sina lon tomo jan pona Pikele li jo e sike kon mute lon tenpo musi ni.  sina jo e sike kon laso jelo suli.  jan wan pi soweli Lapi li sike laso suli li kama awen e ona lon tenpo musi.  ona li sin mute tawa tenpo musi.  tan ni la sina kama jo e sike laso e sike laso jelo li tawa e ona tu tawa tomo sina.  

sina toki e ni tawa soweli: sina wile e sike seme?

soweli li tawa lawa lon insa luka ona li pilin li pilin.

ona li toki e ni: sina tawa jo e ko suwi kepeken sike kon la ijo suli li ni: pipi suwi li kama ala sona e ni:  sina kama.  sina jo e sike laso jelo la pipi li ken pilin e ni: sina wan taso pi kasi suli.  ken la ona li lukin ala e sina.  sina jo e sike laso la pipi li ken pilin e ni: sina wan sewi taso.  mi sona e ijo wan taso.  ijo ni li ni:  seme li ken mute? seme li ken lili?

sina toki e ni: ona li lukin ala lukin e sina kin anpa sike kon?

soweli li toki e ni: ken la ken ala la ona li lukin.  pipi suwi li ken nasa.  ona li pilin lili li toki e ni: mi wile sama ijo sewi pimeja.  ni li kama pilin ike e ona.

ona li toki e ni: tan ni la sina wile e sike laso.  ni li pini.

sina tu li tawa poka sike kon laso.  sina jo e ilo moli sina tawa tenpo pakala.  soweli li sona ma telo suli li tawa ni li tawa sike li tawa sike.  pini la ona li pimeja ali.  sike kon kama suli la sina en soweli li jo e linja pi sike kon la sina kama ala jo e ona.  soweli Pu li tawa kon sewi li awen lon ni.  ona li lon sewi sewi ma sama kasi suli li weka mute tan kasi.  

sina toki suli e ni: pona!

soweli li toki suli e ni anpa tawa sina: ni li pona ala pona? mi seme lukin?

sina toki e ni: sina sama lukin e soweli anpa sike kon.

soweli li toki pilin pi ike lili e ni: mi sama ala sama lukin e ijo sewi pimeja lili lon sewi laso?

sina toki e ni: sama lili.

ona li toki e ni: a.  pona.  ken la mi ante lukin ante tan sewi ni.  mi toki sin e ni: pipi suwi li ken nasa.  kon li lon ala.  tan ni la ona li tawa e soweli tawa kasi suli.  tan li la soweli li awen lon ni.  ona li ken lukin e ko suwi li ken kon e ko suwi.  taso ona li ken ala kama jo e ko suwi.

tenpo lili li pini la ona li toki anpa tawa sina.

ona li toki lili e ni tawa sina: jan Kitopelopin o!

sina toki e ni: toki!

ona li toki e ni: mi pilin e ni: pipi suwi li pilin e ijo!

sina toki e ni: ona li pilin e seme?

ona li toki e ni: mi sona ala.  taso tan ijo la mi pilin e ni: ona li pilin e ijo.

sina toki e ni: ken la ona li pilin e ni: sina wile kama jo e ko suwi ona.

ona li toki e ni: ken la ni li lon.  pipi suwi li ken nasa.  

tenpo pi kalama ala li pini.  ona li toki sin e ni tawa sina:

jan Kitopelopin o!

sina toki e ni: seme?

ona li toki e ni: sina jo ala jo e ilo pi telo sewi?

sina toki e ni: mi pilin e ni: jo.

ona li toki e ni: mi wile e ni: sina kama jo e ona li tawa sewi li tawa anpa poka ona li lukin sewi tawa mi li toki e ni: pakala.  sewi li ken pana e telo.  sina pali e ni la mi pilin e ni: pali sina li ken nasa e pipi suwi ni.

ni li musi e sina.  sina wile toki e ni tawa sina: soweli nasa! taso sina toki kalama ala e ona tan ni: sina wile ala e ni: ona li pona mute tawa sina.  tan ni la sina tawa tomo sina li kama jo e ilo pi telo sewi.

sina lon sin kasi suli la soweli Winipu li toki e ni: a.  sina lon ni.  mi kama pilin lili.  mi kama sona e ni: pipi li pilin kin e ijo.

sina toki e ni: mi pali ala pali ante e ijo mi pi telo sewi?

ona li toki e ni: pali.  taso o awen lili.  mi wile pali pona.  pipi suli li pipi mama suli.  mi wile nasa e ona.  o toki.  sina lukin ala lukin e pipi mama tan ni?  ona li pipi seme?

sina toki e ni:  lukin ala.  mi sona ala.

ona li toki e ni: pakala.  sina tawa sewi li tawa anpa poka ijo sina pi telo sewi la mi pali e ni: mi kalama musi e kalama musi lili pi ijo sewi pimeja sama kalama musi pi ijo sewi.  o tawa!

sina tawa sewi li tawa anpa li wile toki e ni: sewi li pana ala pana e telo la soweli Winipu li kalama musi e kalama musi ni:



mi ijo sewi suwi
li tawa kon lon sewi laso!

tenpo ali la ijo sewi ali
li kalama musi kalama.



mi ijo sewi suwi
li tawa kon lon sewi laso!

ona li ijo sewi lili la

ona li pilin pona mute.



pipi suwi li kalama pipi.  ona li pilin sin e ijo ike.  ona mute lili li weka e tomo ona li tawa kon lon sike pi ijo sewi.  tenpo la ijo ni li kama kalama musi e wan ante pi kalama musi ni la pipi wan li lon anpa nena kon pi ijo sewi li lon sewi sin.

ijo li toki e ni: jan Kitope - pakala! - Lopin!

sina toki e ni:  seme?

ona li toki e ni: mi pilin li pilin li mi kama pilin e ni:  pipi ni li pipi pona ala!

sina toki e ni: ona li pona ala pona?

ona li toki e ni:  pona ala.  ona li pipi pona ala mute.  tan ni la mi pilin e ni:  ona li ken ala ken pali e ko suwi pona ala?

sina toki e ni:  ona li pali ala pali e ni?

ona li toki e ni: pali.  tan ni la mi tawa anpa.

sina toki e ni:  kepeken nasin seme?

soweli Winipu li pilin ala ni.  ona li jo ala e linja la ona li tawa anpa li pakala.  ni li ike tawa ona.  ona li pilin mute li toki e ni:

jan Kitopelopin o.  sina wile pakala e sike kon kepeken ilo moli sina.  sina jo ala jo e ilo moli sina?

sina toki e ni: jo.  taso mi pali e ni la sike kon li pakala.

ona li toki e ni: taso sina pali ala e ni la mi wile kama ala jo e linja.  ni li pakala e mi kin!

sina toki nasin ni la sina kama sona e lon li kepeken e ilo tawa sike kon li open.

ona li toki e ni: pakala!

sina toki e ni:  ni li pona ala pona?  ilo li pakala ala pakala e sike kon?
soweli Pu li toki e ni:  ilo li pakala ala e sike kin!

sina toki e ni: mi pilin ike mute tan ni.  sina open sin.  tenpo ni la sina pakala e sike kon.  kon li tawa lili tan sike.  soweli Winipu li tawa kon pona anpa tawa ma.

taso luka ona li kiwen sama palisa tan ni:  tenpo mute la ona li jo e linja pi sike kon.  tenpo suno mute la soweli li wile jo e luka ona sewi lon kon.  pipi li tawa lon nena kon ona la ona li wile pana kon e ona.  mi pilin li sona ala e ni: tan ni kin la tenpo ali la nimi ona li Pu.



jan Kitopelopin li toki e ni: toki musi li pini ala pini?

jan toki li toki e ni: toki musi ni li pini.  taso toki musi ante li lon.

jan lili li toki e ni: toki musi li toki ala toki soweli Pu en mi?

jan toki li toki e ni: toki.  ona li toki kin soweli Pikele en soweli Lapi en sina ali.  sina sona ala sona?

jan lili li toki e ni: mi sona kin.  taso mi wile sona sin la mi kama ala sona.  

jan toki li toki e ni:  tenpo suno ni la soweli Pu en soweli Pikele li wile kama jo e soweli Epalunpu.

jan lili li toki e ni:  ona li kama ala kama jo e ona?

jan toki li toki e ni:  kama ala.

jan lili li toki e ni:  soweli Pu li ken ala.  ona li ken ala tan ni:  ona li jo ala e lawa pilin.  mi kama ala kama jo e ona?

jan toki li toki e ni:  ni li kama lon toki musi.

jan lili li tawa pi sewi en anpa e lawa.

ona li toki e ni: mi sona kin.  taso soweli Pu li sona ike lili.  tan ni la ona li wile e ni: sina toki sin e toki musi tawa ona.  tan ni la toki musi ni li toki musi lon li lon ala sona taso.

mi toki e ni: mi pilin e sama ni.

jan Kitopelopin li pana e kon suli li kama jo e noka pi ijo musi soweli ona li tawa weka tawa lupa.  ona li lon lupa la ona li pali sike tawa mi li toki e ni: mi telo mi la sina kama ala kama lukin e mi lon poki telo?

mi toki e ni: ken la mi kama.

ona li toki e ni:  mi kepeken e ilo mosi mi la mi pakala ala pakala e ona?

mi toki e ni: pakala ala.

ona li tawa pi sewi en anpa e lawa.  tenpo lili kama la mi kute ona poka ijo musi soweli Winipu - Pawi Pawi Pawi.  ona tu li tawa sewi.



[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1107: count(): Parameter must be an array or an object that implements Countable
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1107: count(): Parameter must be an array or an object that implements Countable
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1107: count(): Parameter must be an array or an object that implements Countable

Return to “toki pini pi kulupu Jaku”

Who is online

Users browsing this forum: No registered users and 5 guests

cron