lape pi jan utala - A prose poem
Posted: Sat Sep 01, 2018 12:56 pm
lape pi jan utala
ma kasi li lon. suno pi tenpo suno sin li seli e ona. kasi kule pi kule ale li pana e kon suwi. pipi li tawa lon kon li awen lon kasi. poka la, waso mute li kalama lon kasi suli.
jan li anpa lon kasi anpa. ilo utala li lon poka ona. jan li lape. ona lukin ala e ma kasi li kute ala e waso e pipi.
weka mute la, ma tomo li lon. kon seli pimeja li lon sewi pi ma tomo. ante la, kalama ala li kama tan ma tomo.
waso mute li kalama lon kasi suli. pipi li awen lon kasi pi kon suwi.
pimeja en mun li kama la, jan li lape kin.
Mi pali e sitelen ni tan ni: mi wile pona e toki pona mi. sina wile ante e ona tawa toki inli anu pona e ona, la o pali!
Written mostly for the sake of practise. If you would like to post a translation (to show how you understand it), or make any corrections, please do!
wp
ma kasi li lon. suno pi tenpo suno sin li seli e ona. kasi kule pi kule ale li pana e kon suwi. pipi li tawa lon kon li awen lon kasi. poka la, waso mute li kalama lon kasi suli.
jan li anpa lon kasi anpa. ilo utala li lon poka ona. jan li lape. ona lukin ala e ma kasi li kute ala e waso e pipi.
weka mute la, ma tomo li lon. kon seli pimeja li lon sewi pi ma tomo. ante la, kalama ala li kama tan ma tomo.
waso mute li kalama lon kasi suli. pipi li awen lon kasi pi kon suwi.
pimeja en mun li kama la, jan li lape kin.
Mi pali e sitelen ni tan ni: mi wile pona e toki pona mi. sina wile ante e ona tawa toki inli anu pona e ona, la o pali!
Written mostly for the sake of practise. If you would like to post a translation (to show how you understand it), or make any corrections, please do!
wp