Toki Pona Spells - toki wawa pi toki pona

Creativity: Poetry, music, comics, etc.
Kreado: Poezio, muziko, bildrakontoj, ktp.
Post Reply
User avatar
janAetherStar
Posts: 146
Joined: Sat May 25, 2013 3:23 am
Contact:

Toki Pona Spells - toki wawa pi toki pona

Post by janAetherStar »

mi sona ala e ni: mi pana ala pana e ijo ni lon tenpo pini? a, suli ala. ni li toki wawa. sina wile e ijo la o toki e ijo ni! tenpo pini la mi pali e ni. o pana e toki wawa sin tawa lipu ni! ken la mi mute li ken pali e lipu suli pi toki wawa a a a :D
______
I can't remember if I posted this before. Ah well. These are some spells for if you want stuff! I wrote these quite a while back. Add new spells on this thread! Maybe we'll get enough to make a book :D
______

-Banishing spell (chant)
kalama: vocaroo.com/i/s1EbWDFvCr4t

toki wawa pi weka pi kon ike
o toki e nimi ni lon tenpo mute:
kon o tawa weka. kon o tawa weka o.
kon li ala li ala li kon li kon taso.
kon ike li wawa ala. kon li kon taso.

-Healing spell
kalama: vocaroo.com/i/s1zyUfrhVG3Z

toki wawa pi kama pona
o toki e ni:
wawa li lon insa pi sijelo ni.
kon mi li pona e sijelo ni.

-Healing spell (chant)
kalama: vocaroo.com/i/s1P8LSNDjiT0

toki wawa pi kama pona
o toki e ni lon tenpo mute:
kon o! seli o! telo o ! kiwen o!
o pona, o pona, o pona e sijelo.

-Protection spell (for people)
kalama: vocaroo.com/i/s0FpMXnTm5Wd

toki wawa pi awen jan
o toki e ni:
kon pona, o kama tawa mi.
wawa sina li pona li suli.
kon en telo en kiwen en seli
o kama, o awen e jan ni!

-Money spell
kalama: vocaroo.com/i/s0nhAvCjhMYN

toki wawa pi jo mani
o toki e ni:
kiwen suno pi lon ma o.
kiwen o kama e ni:
mi jo e mani mute.
mi jo mute e mani.
ni li wile suli mi.
kiwen o kama e ni!

-Wish spell
kalama: vocaroo.com/i/s0EwOpqAwIpB

toki wawa pi pali wile
o toki e ni:
mun o! suno o!
a mi wile e ijo!
sina tu li wawa a!
wile ni mi li pona!
mun o! suno o!
a mi wile e ijo!
o kama e wile mi
kepeken a wawa ni!
wile mi li wile ni:...

-Love spell (chant)
kalama: vocaroo.com/i/s11bnjebtB5f

toki wawa olin
o toki e ni lon tenpo mute:
jan ___ o, jan ___ o.
suno o suno e nasin sina.
jan ___ o, jan ___ o.
suno o suno e olin sina
tawa mi, a tawa mi.
suno en mun o kama e ni:
jan ___ li olin e mi.
olin pi jan ___ li
pona li awen lon tenpo ali!

-Friendship spell (chant)
kalama: vocaroo.com/i/s1nuk17stEbe

toki wawa pi jan pona
o toki e ni lon tenpo mute:
jan pona mi li jan pona ni.
jan pona a o kama tawa mi!
wawa ale o lukin
e jan pona ni mi sin!

-Dreaming spell (chant)
kalama: vocaroo.com/i/s15vctd14GIs

toki wawa pi lukin lape
o toki e ni lon tenpo mute:
mun li sona pona
e lukin lape mi.
mun li awen pona
e lukin lape mi
pi lon insa mi.
mi sona tan ni
e lukin lape ni,
e lukin lape ni.

-Spell to remedy the emotions (chant)
kalama: vocaroo.com/i/s1239TGM86Lg

toki wawa pi pona pilin
o toki e ni lon tenpo mute:
o kama. pilin mi
o kama. o toki.
mi sona
e sina
la mi tu
li ken pona.

-Calling the muse
kalama: vocaroo.com/i/s13uyRgcD9k1

toki wawa pi pilin musi
o toki e ni:
loje kasi
en laso pipi
en wawa mi
o sona e ni:
pilin musi.
mi ken pali
e ijo musi.
o sona e ni.

-Truth spell
kalama: vocaroo.com/i/s0WMzPYTLQQ7

toki wawa pi toki lon
o toki e ni:
ale pona ni li lon.
jan __ o toki
e ijo pi lon taso.
ante la, ante la,
uta sina o poki.
o toki e ijo lon.
kalama, o kama
e ni: ijo lon
li ijo toki
tan jan ni:
jan ___

-Spell to call a storm (chant)
kalama: vocaroo.com/i/s1WKdacbNl5J

toki wawa pi kama pi kon suli wawa sewi
o toki e ni lon tenpo mute:
kon en telo o kama!
sina tu a o tawa!
ma li anpa, tan sina tu.
o kama. o kulupu.
wawa sina li ale.
o kama e kon mute.
kon suli wawa sewi
o kama lon tenpo ni.

-Spell to quell a storm (chant)
kalama: vocaroo.com/i/s0aIkGmtZ7hR

toki wawa pi pini pi kon suli wawa sewi
o toki e ni lon tenpo mute:
kon o. telo o. sewi o.
o tawa lili. o tawa lili taso.
ale li pona. :)
sina o sona e ni.
janKipo
Posts: 3064
Joined: Fri Oct 09, 2009 2:20 pm

Re: Toki Pona Spells - toki wawa pi toki pona

Post by janKipo »

prob. 'tawa weka a' 'o' doesn't go there, but spells may make their own rules, like poetry.
prob 'lukin sin e jan pona' but as above.
'tan ni' at the end, not after 'sona'
'pilin mi o'
'loje kasi en pipi laso'? or dyes? maybe 'o' at the end of the string? not too sure about 'pilin musi' "amusing thoughts"? English suggests 'kon musi' or so.
"May your mouth be a box"? sealed closed, I suppose.
User avatar
janAetherStar
Posts: 146
Joined: Sat May 25, 2013 3:23 am
Contact:

Re: Toki Pona Spells - toki wawa pi toki pona

Post by janAetherStar »

I had a nice long reply to all that, but unfortunately the forums messed up at the last moment :/ Ah well!
In short: I knew what I was doing with all of them, though I didn't consider "kon musi" earlier, which ties in more with the title ("spirit of the muse" kind of a concept). :)
ale li pona. :)
sina o sona e ni.
jan sewi kasi
Posts: 23
Joined: Mon Feb 04, 2013 3:21 pm

Re: Toki Pona Spells - toki wawa pi toki pona

Post by jan sewi kasi »

Mi pilin e ni: toki wawa mute ni li pona! Mi wile kepeken e ni. Ni li musi :)
Post Reply