————————————————————————————————————————————————————
meli Naja li jan pi ma kasi Amason. ona li kute e toki ni: mun li olin e meli la ona li ante e meli ni tawa mun.
mije utala mute li olin e meli Naja. taso ona li wile e olin mun taso.
tenpo pimeja la ona li lukin e mun kepeken olin suli. mun li tawa la ona li tawa sama. suno sin kin li kama la ona li tawa mun kepeken wawa ona ali. tenpo pimeja ale la ona li awen sama.
sijelo pi meli Naja li kama ike tan ni. taso ona li pini ala olin e mun.
ni li kama: ona li kama wawa ala li lape lon poka telo. sitelen pi sama mun li kama lon telo. meli Naja li sewi li lukin e sitelen ni li pilin e ni: mun li kama tawa ona! tan ni la ona li tawa telo.
taso pini ni la jan li ken ala lukin e ona. ona li moli lon telo.
mun li pilin ike tan moli pi meli Naja. mun li pana e pona tawa ona li ante e ona tawa mun.
taso mun ni li ante tan mun pi lon sewi. ona li lon telo li kasi sike li jo e kasi kule pi kon pona. kasi kule ni li open lon tenpo pi kama mun taso.
Image Credit: Por Mariana D. (Trabalho próprio pelo carregador) [CC BY-SA 3.0 (http://creativecommons.org/licenses/by-sa/3.0)], undefined