toki musi pi jan William Wordsworth!

Creativity: Poetry, music, comics, etc.
Kreado: Poezio, muziko, bildrakontoj, ktp.
Post Reply
oleso
Posts: 6
Joined: Sun Feb 02, 2014 12:11 pm

toki musi pi jan William Wordsworth!

Post by oleso »

mi ante e toki musi pi jan William Wordsworth kepeken Toki Pona.

mi sona ala e nimi "pi" e nimi "lon" e nimi "tawa" ... e nimi ali! ^_^

jan Kipo li pona e toki musi mi kepeken sona pona mute pi Toki Pona, taso jan ali li ken pona e ni.


mi sama kon walo sewi.
mi wan taso li tawa waso lon sewi ma.
a tenpo ni la, mi lukin e mute mute.
ni li kulupu pi kasi kule jelo!
poka pi telo mute, anpa pi kasi palisa,
kasi ni li tawa musi lon kon.

tenpo ali la, mun lili li pana suno
lon kulupu walo pi mun lili.
tenpo sama la, kasi lon poka pi telo mute,
ni li nasin linja pi pini ala.
mi lukin lili e kasi mute mute.
lawa kasi li musi tawa nasa!

telo mute li musi tawa lon poka kasi.
taso telo li musi tawa lili,
kasi tawa musi pi pona en suli!
jan pi toki musi li poka kulupu pona la,
jan li pona kin!
mi lukin - li lukin - taso mi pilin lili
e ni: lon li pana e mani mute tawa mi.

tenpo mute la, mi lon supa monsi suli la,
mi pilin ala anu ike la,
mi pilin e kasi ni.
ni la, pilin mi li pona mute.
pilin mi li tawa musi poka kasi kule jelo!


sina pona tawa mi tan ni: sina lukin e ni!
Last edited by oleso on Sun Mar 23, 2014 4:50 am, edited 1 time in total.
janKipo
Posts: 3064
Joined: Fri Oct 09, 2009 2:20 pm

Re: toki musi pi jan William Wordsworth!

Post by janKipo »

'sina pona tawa mi tan NI: sina lukin e ni!'
soweliPeka
Posts: 15
Joined: Mon Mar 11, 2013 9:30 pm

Re: toki musi pi jan William Wordsworth!

Post by soweliPeka »

ni li pona tawa mi! mi wile e ni: sina pana e toki musi ante.
Post Reply